پښتو لنډۍ

داسې منګولې نرۍ غاړه
ګودر ته لاړه د چا ژوند خرابوینه

داسې منګولې نرۍ غاړه
ګودر ته لاړه برګ منګی ترخکې وړینه

داسې منګولې نرۍ غاړه
لکه کوتره په مکيز ګودر ته ځینه

دبيلتانه کوردې رب وران کړي
پر مائې وکړه نا اشنا اشنا ظلمونه

ددی مصری ځواب دی دادی
څوک چې مين شي هميشه له تندې مرينه

ددې مصرې جواب مې راکه
کور مې د سيند په غاړه دی له تندې مرمه

ددې نه لا وړوکی ښه وم
د جنکو سره به يو ځای ګرځېدمه

ددې ټکۍ معنا (معنئ) مې راکړه
ګولۍ يوه مرغان ئې دوه ويشتلي دينه

ددې ټکۍ معنا دې واخله
جلۍ يوه ياران ئې دوه نيولي دينه

ددې ګودر غاړې ته ګوره
نری لوګی دی پېغلې زړونه وريتوينه

دريغه چې زه دياركفن واى
چې په لحدكې ترې چاپېره وای مینه

دغه سپيره چيرې ولاړ دی
ساړه ساړه اوسيلي کړي بادئې راوړينه

دمازد يګر اوبوله مه ځه
په ګودر زانګی دکوډګرو تاويزونه

دمينې دغه نښانې دي
ديوۀ زړګي نه بل ته لاره تللي وينه

دنیا نیمګړې نیمه خوا ده
مرګي پناه کړل ښکلي ښکلي صورتونه

دونيا د يار له سره ځار کړه
دونيا به تل وي ياران کله کله وينه

دځان عزت كه چېرې غواړې
مدام كوه دنوروخلكوعزتونه

دګودر خواکې وني کيږده
چې شا ليلا منګۍ په سیوری ډکو ينه

دګودر زر اجازت راکړه
ما ته کو څه کې جنکی ولاړی دينه

دګودر غاړه به ښا يسته کړی
ورله روان شول د بلبلو کاروانونه

دګودر غاړه دي اغزي کړه
په سترګو ړوند شی بخملی پڼي لرمه

دګودر غاړه ورته نيسم
زما جانان پردی لار تللی رابه شينه

دګودر غاړه ورته نيسه
دجنلۍ خوی دمر غاوی دی رابه شينه

دګودر غاړه ورته نيسه
ليلا دجنو ميره ده مخکې دربه شينه