پښتو لنډۍ

جانانه ستا د زړه لپاره
زه په غرمه د ګودر غاړی له درځمه

جانانه ستا د زړه لپاره
زه په غرمه د ګودر غاړې له درځمه

جانانه ستا ديدن لپاره
زه په زړه شپاله کې ‌بېرې ټولومه

جانانه ستا ديدن لپاره
زه د کابله په ټکس راغلی يمه

جانانه غلی غلی ګورې
يا دې څه ورک دي يا دې زه ليدلې يمه

جانانه غم دې دومره خوږ دی
چې د دنيا خواږه يې خاورې ايرې کړنه

جانانه فکر پکې وکړه
مينه سور اور دی وارخطا نشې مينه

جانانه لاړې آسماني شوې
څو آسمان ځمکې ته راځي قيامت به وينه

جانانه ولې لېونی شوې
په لاره ځې په تيګو ولې زيارتونه

جانانه ويښ يې که ويده يې
ستا په کوڅه مې لاس تړلی تېروينه

جانانه ښه شوه چې ټپي شوی
زه (اوس) به دا خپله غاړه هسکه ګرځومه

جدايي راغله لارې دوه شوې
مرګ مې قبول دی جدايي نه قبلومه

جنۍ د پلاره دی وير يږم
ګودر ته راشه کور ته نه درسره ځمه