ټوله دنیاشوله خبره ډیرارمان به وکړي
بس یوه ته وې، ناخبره ډیر ارمان به وکړې

زیری دمرګ مي چي څوک دروړي بوږنیدلي به شي
که وې هر څومره زړوره ډیر ارمان به وکړې

درته ارزان دي دیدنونه کبر مه پرې کوه
اې د بنګړیو سوداګره ډیر ارمان به وکړې

زما شملې زما پښتو تاته زینت بخښلی
که درنه ولاړم پیښوره ډیر ارمان به وکړې

زه سیدشاه به ځنکدن کي ستا جفا یاده وم
لیلا ته وروړئ دا خبره ډیر ارمان به وکړې

قیامت خو پریږده په دنیا به هم ارمان کوې تل
ولي دي مور کړه مروره ډیر ارمان به وکړې

ماسیدشاه خو په سپوږمئ دتاګمان کړی وو
ورته به ناست وم تر سحره ډیر ارمان به وکړې