د زړه ګوذار

زه شومه ستومانه که پښو راسره مزل پرېښود
ای رقيبه لکه چې بيا دې راته کوم چل کېښود

ما و ورته په ستر ګو او بڼو کې ځای ورکړی
غمازه خانده چې يې راته تېغ پر ګوګل کېښود

دپردو به څه ګيله وکړم ای د زړه ګوذاره
ته يې د هغه چې يې راته سر پر څنګل کېښود

د ناکردو داغونه يې هزار پر زړه لرمه
دومره يې له بس نه و نن يې راته يو بل کېښود

نه پوهېږمه کومه ﻻر روان شو،  چېر ته ﻻړو
تری تم شو چې يې طرف زما د منزل پرېښود

مينه يې نيمګړې ، وعدې ټولې دروغجنې
زړګی د "جان " يې چې رقيب مخې ته په چل کېښود

15.04.2004