مغرب به ولې په قومونو حکومت نه کوي
چې يې حکمت، هنر او زيار ته ادامه ورکړله

د خيال دنيا يې تش په خيال پورې محدوده نکړه
بلکې هر خيال ته يې د اوسپنې جامه ورکړله

××××××××××××××××××××××××××××

بل ځای کې ازاد يې که د ژوند هر يو ډګر ته ځې
خپله دي مرضي ده که دننه که بهر ته ځې

دلته که ايله غوندې د کرښي نه په څنګ شولې
خدای به دې معاف کړي خو د خلکو نه به چرته ځې

××××××××××××××××××××××××××××

ورک مې ځلول ورسره ورک شومه
سپک مې درنول ورسره سپک شومه

ما بوتلل سحر ته دا د شپې خلک
دې لړ کې پخپله ښاپيرک شومه