ديار انځور

زړه كې دنرګس پرخه راپرېوته
ورووروځنې كوزه شوه بيا پرېوته
صبر رانه درومي لېونی شومه
سترګوكې خوښۍ نه ژړاپرېوته
خوند شوله ښكلاشوله مستي شوله
هيله شوه په زړه په خندا پرېوته
ونڅېده لاړه سربداله شوه
مسته شوه كږه وږه راپرېوته
لرى نيم پلويې چې له مخې شو
وركه شوه له مانه حياپرېوته
داچې مخامخ شوه آينې سره
لايتنهنايي په نګاه پرېوته
پاڅېده سباكې له خوبه په چم
ګل كې يې دشونډو هوا پرېو ته