افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د خولګۍ له انتظاره به راووځم
لېونی نه شم له ښاره به راووځم
د ښايست په وسعتونو کې به ګډ شم
د نغمې غوندې له تاره به راووځم
ستا ښکلا به د لېمو لپو کې وڅښم
د عمرونو له خماره به راووځم
زه به خپل زړه په اورتون د مينې پوخ کړم
لکه زر له سره انګاره به راووځم
د چا مينه به مې زړه کې لارې وکړي
لکه څړيکه له پرهاره به راووځم
په هوا کې که مې باز په نظر راغی
د کوترو له کتاره به راووځم