افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د ژوند مسته نغمه چې له ربابه راوتله
د مينې ولوله مې له شبابه راوتله
زم زم خو به چا نه وي په مينا کې اړولي؟
بيگا شپه چې وږمه يې له شرابه راوتله
د تندې تلوسه مې وار له واره زياتيدله
ها ښکلې چې يارانو له سُرابه راوتله
پرون چې د مطرب له ترنگه څه مې اوريدلي
هم هغه مسئله نن له کتابه راوتله
کوم چا به په پنجره کې بنديوانه وي ساتلي
کوتره خو به ”بازه “ بې حجابه راوتله