پناه ته يې اوسيږمه د ياد د دېوالونو
تل گرځي ځکه شاته يې صياد د دېوالونو

انگۍ د وير ياديږي د بلۍ و کنډوالو ته
د تشو مېنو خېږي چې فرياد د دېوالونو

ازار ربه ورپورې کړې د ټولو مينانو
ترمنځه چې چا ايښی دی بنياد د دېوالونو

ته دومره زړه خو مه خوره گوندې وشي ديدنونه
جانانه زياتې لږ پاتې معياد د دېوالونو

دا سوال خپله ځواب دی دې کې سوال نه پيدا کيږي
کمی د محبت دی ازدياد د دېوالونو

نړۍ يې ړنگوي ښه ورته ځير شه بېکسياره
زمونږ وطن کې زيات شو اعتياد د دېوالونو .