افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
سوي حسرتونه دې په سترګو کې راوړي دي
څومره ډېر سوالونه دې په سترګو کې راوړي دي
مونږ چې پکې وخته زخم زخم رژېدلي یو
هغه تصویرونه دې په سترګو کې راوړي دي
تا دومره په ځان د صحرا شګې بادولي دي
ګوره چې خپل پلونه دې په سترګو کې راوړي دي
بیا دې د باڼو لمنې سرې دي په قاتل نظر
وینې وینې زړونه دې په سترګو کې راوړي دي
دا دې د زړه اوښکې پکې ټکی ټکی بلې کړې
شپونه که لعلونه دې په سترګو کې راوړي دي