افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
عشقه خفه نه شې تر داره پورې ځي درسره
څوهلکان دي تر مزاره پورې ځي درسره
دا زهرجنې سترګې مه ګوره دا درد لري بیا
دا له پرهر نه تر پرهاره پورې ځي درسره
یو ګل به بیا درپسې پاڼې پاڼې ورژیږي
یو لېونی تر انتظاره پورې ځي درسره
د خپل مئین سره دې دومره جفا هم مه کوه
چې له دعا نه تر آزاره پورې ځي درسره
د هجر شپو ته خپلې اوښکې بلوئ پر باڼو
دغه ډېوې به تر سهاره پورې ځي درسره
شپون ته په ټوله لاره ذکر د اغزیو کوه
چې د ګلونو تر بازاره پورې ځي درسره