افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
سترګو کښې اوخانده لږ ځان خوږ که
ځه چې ځې خېر دې خو داستان خوږ که
ګورې چې ګور ته پور د ژوند يونه سې
لکه سلګۍ د ګل اسمان خوږ که
مينه ده څه هنر خو بويه کنه
زړه په بادونو د هجران خوږ که
سپرليه ستا به اخر څه ياد ساتو
دا ټول وطن د يار په شان خوږ که
ته هم جذبه لرې هم زړه هم نظر
ته هم احساس د خپل تاوان خوږ که
لکه منصور،لکه فرهاد،لکه قېس
په دړد د مينې خپل ارمان خوږ که
ډېرو خوږې کړې په ګلونو سترګې
څوک شته چې رنګ د ګلستان خوږ که
د مسافر جانان د څنګ خوشبويۍ
راشه زما د زړه مکان خوږ که