افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
په سر سايه د يار د خيال واخله
اې زما زړه د مينې حال واخله
راشه راوځه د خپل ذات د کوره
د دې زواله څه کمال واخله
زما د دور د خوبانو مينه
بس لکه سيورې د ديوال واخله
ډيرې نازکې دي د زړونو ماڼۍ
دلته کښې هر قدم په پال واخله
د هجر لارې له توښه کړه اوښکې
د ځان سره خپل پشکال واخله
دلبره ژوند داسې آباد غواړمه
لکه ستانه ستا د جمال واخله
لويه مېره دې د بيلتون په سر ده
ساه په جنګۍ کښې د وصال واخله