افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د شبنم په کنډولي کې د گلانو جهان ناڅي
مينه ناڅي، الفت ناڅي ورسره پتنگان ناڅي
دا شبنم دومره ښايسته دى که تر لاندې گلاب مخى
چې يې لاس راکړ فنا شو ورسره ملنگان ناڅي
د گلونو انعکاس دى د شبنمو په ښېښه کې
پاڼې پاڼې سره گلونه په هوا د جانان ناڅي
زه په کومو سترگو باندې د اشنا کوڅې ته ورشم
چې مينې ارزوگانې په ريښکو د گريوان ناڅي
زه مجبور يمه د مينې په سر خاورې بادومه
زما اوښکې طوفانې شوې په لمن د طوفان ناڅي
خدايه ستا په لوى جهان کې د فراق سندرې وايم
د اياز په ياد ((قتيله)) د محمود گلستان ناڅي