افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د شبنم پــه کـــــنډولــــــي کې د گلانـو جهان ناڅي
مينــــه ناڅـــي، الفت ناڅي ورسره پتنــــگان ناڅي
دا شبنم دومره ښايسته دى که تر لاندې گلاب مخې
چې يې لاس راکړ فنـــا شــو ورسره ملنگان ناڅي
د گلــــونـــو انعکاس دى د شبنمــــو پــه ښېښه کې
پاڼې پاڼې سره گلــــــونــه پــــه هوا د جانان ناڅي
زه په کومــو سترگو باندې د اشنا کوڅې ته ورشم
چې مينې ارزوگانې په ريښکــــو د گريوان ناڅي
زه مجبــــور يمـــه د مينې په سر خاورې بادومه
زما اوښکې طوفانې شوې په لمن د طوفان ناڅي
خدايه! ستا په لوى جهان کې د فراق سندرې وايم
د اياز پــه ياد ((قتيله)) د محمـــــود گلستان ناڅي