افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
تاته د مينې ليونۍ خبره چا وکړله
د هغې ښکلې درخانۍ خبره چا وکړله
د هغې ښکلې درخانۍ خبره چا وکړله
مينه مې چا درته رسوا کړه چې مغروره يې کړې
په ځان مغرورې پورنۍ خبره چا وکړله
خوری چې مې زړه د نا محلوم اميد په نيله ټالۍ
ورته د مينې پخوانۍ خبر چا وکړله
دا دښکلا ذرو کې نغښتې د نظر ما يوسی
دمغرور حسن ننۍ خبره چاوکړله
دګل په سره بار خوده پرخه کې ژړا د بلبل
راته د خپلې حيرانۍ خبره چا وکړله
په شمعه سوی پتنګ دا وروستۍ سلګې کې ووی
دسوې مينې سپيلنۍ خبره چا وکړله
دزړګی هيله د قتيل د اوښکو زړه کې پرته
دمرغلرو د سيپۍ خبره چاوکړله
کابل ۱۴ـ ۶ـ ۱۳۶۷