جومات تړلی زیارت بند دی میکده بنده ده

د دنیا ټول کارونه بند دي ستا شمېره بنده ده

ټول کلی بند دی او د ښار کوڅه کوڅه بنده ده

ستا دروازه بنده ده هره دروازه بنده ده

جنګ درېدلی خو زه بیا هم په زړه وېره لرم

ګوره چې ټک شي په ماشین کې دې دانه بنده ده

ادې مې نشته د پردۍ خونې کافر دېواله!

په شاه ډب راکړه په مرۍ کې مې ګوله بنده ده

ستا د شتمن وطن بچي له ولږې ساه ورکوي

قیسه! په وسپنو او خټو یې پیسه بنده ده