یو کافر بمبار نه و چې زه پکې شهید نه شوم

داسې انفجار نه و چې زه پکې شهید نه شوم

داسې دښته نه وه داسې غرونه د وطن نه وو

داسې کلی ښار نه و چې زه پکې شهید نه شوم

کوم د سترګو جنګ و چې تا زه پکې مات نه کړمه؟

کوم عشق او پیار نه و چې زه پکې شهید نه شوم؟

هی! کومه واعده زما په ژوند باندې پوره کړه تا؟

هی! کوم انتظار نه و چې زه پکې شهید نه شوم؟

کومه زمانه وه چې ستا قیس په مجنون نه و؟

کوم دار او سنګسار نه و چې زه پکې شهید نه شوم؟