افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د شپې نه د خوب وخورمه ګولۍ د چا د لاسه!
وچیږي د زړه وینې زنده ګۍ د چا د لاسه؟
پرون په هغه بر کلي کې چا دی ځان وژلی!
یو چا وې چې خپل ځان کړ زندۍ د چا د لاسه
زه ولې شوم معتاد ددې غمجنو آوازونو
راواخلمه ماښام کې مې شپېلۍ د چا د لاسه؟
شبګیر وي، ستا تصویر وي، انتظار د ځان آزار وي
ژړا په پټه خوله، سوې سلګۍ د چا د لاسه؟
له څه وخته د ستورو شمار کوې عصمته یاره
خښې کړې بیا سترګې په سپوږمۍ د چا د لاسه؟