افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د اوبو څه ده،څه خبره یې زما له تندې
زۀ په دې نه مرمه که مرمه مرمه ستاله تندې
چي راسره یې یزیدان به یو تر بله ځار کړم
حُسین په توره نۀ، شو مړ په کربلا له تندې
که د ښار نوم واخلمه کاڼي به خدای اووروي
په کنایه کي وایم مړه شوله صحرا له تندې
هغۀ غنم نومېدۀ دغۀ یې اوبۀ نومېدۀ
هغۀ د لوږي مړشو دغۀ ورور یې بیا له تندې
د دریا خولې نه د هوا په دود یو آه را وځي
بیا ټوله ورځ وي اور ورینه د دریا له تندې
هجومه!وځم،ښاره نۀ نۀ نۀ نۀ نشي کیدی
نو،زه قاتل شمه او مړه مي کړم چُپتیا له تندې ؟؟
چي تصویران دي ؤ هغه مي ؤ خوړلي ماښام
مۀ پوښته مۀ پوښته بس مړ نشوم بېګا له تندې
بې تا د سیند غاړي تصویر یې خپله چغي وهي
اُف ایثار مړشو مړشو مړشو اُف الله له تندې