افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
نظر غواړي، جنون غواړي رښتیا د محمد ص
رڼا وَیل چې لاس مي دی تر شا د محمد ص
قیامت دی د شیطان په دنیا جوړ زما په ذات کي
په ذات کې را وستل غواړم دنیا د محمد ص
باران شو او طوفان، د جهالت غرونه یې یو وړل
ښکاره چې په اسمان شوله برېښنا د محمد ص
بس پیل شوه سلسله د ګلابونو غوړېدلو
دې مړې زمکې چې ولیده مسکا د محمد ص
شي زموږ فن او هنر له پیلېدلو مخکې خاوري
صفت یې په کثرت کړی الله ج د محمد ص
زۀ کوڼ نه یم غافل یم اوس یې هم اورم ایثاره!
ترځان زیاته پر ما باندې ژړا د محمد ص