افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ستا غم مې نه وژني زه څه عجب سړی يمه
ذهر په لپو لپو خورمه او ژوندی يمه
يو ليواني به په هر کاڼي پسې دا غږ کوو
زه ګورې زر شيندمه زه ګورې غمی يمه
چيناره ستا د تن څومره تابوتونه اوځي
چيناره ما په ځان کې ځاې کړه ښاپيری يمه
هسې خزان خزان روان يم د وطن په دهشتو
زه که واپس راغلمه زه به پسرلی يمه
زما احساس دومره وسعت لري په لوې وجود کې
راشه د خپلو اندامونو نه پردی يمه
د خپل اولس نه مې ضمير غوښتو درويش روښانه
چا راتــــه غږ نه کوو چا وې ليـــوانئ يمه