افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
مور مې وی ستا دې دشمنان مړه کيږي
اوس چې مې وچيچي ماران مړه کيږي
په جماتونو کې د ذهرو بوې دی
په مندرونو کې هندوان مړه کيږي
د خپلې خيټې اور يې مړ کړو که نه ؟
چې د کويلې کاريګران مړه کيږي
زمونږ ښارونه د ليوانو ډک دي
زمونږ په غرونو کې زمريان مړه کيږي
ذهر فروش ورځ په ورځ وده کوي
شکر فروش دکانداران مړه کيږي
څه يزدي سوچ دی دروېش روښانه
څه کربلا ده افغانان مړه کيږي