افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
لپه رڼا يې ډيوه ډيوه يې
د زړه نه څاڅې په مخ خوره يې
ما وى چې ولې مېکده خوځي
ښه ته نشه يې دا ته نشه يې
نازک بدنې په ښار کې ګرځې
نازک صورته فتوه فتوه يې
نه چې ما څه وى ښه ښه راياد شو
څه سپينه سپينه ېې پسته پسته ېې
په پټو سترګو راته خداى ښايې
د سحر مونځ يې اوږده سجده يې
زما لاسونه مزدورې سخت کړل
ته څومره نرمه يې ته څه پسته يې
د بنګړو شور دى دروېش روښانه
تهجود قضاء شو ته لا ويده يې