افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ژوند دی درګرده تباه کیږي زما
ځواني ده ورو ورو خاورې کیږي زما
ښه اوښکې څنګه رایسارې کړمه؟
زړه دی د غوښې دی خوګیږي زما
آبې زم زم جانانه وه دریږه
ستا په لیدو تنده ماتیږي زما
حَوس مې کلک لاس نه نیولی یمه
ګناه ده ورځ په ورځ زیاتیږي زما
دومره وړیا یمه چې حد یې نشته
وینه ده تویه شوه تویږي زما
ریحانه ستا د راتلو غږ شوی دی
خوښي ده سترګو کې ګډيږي زما