افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
څوک په روا مړ دی او څوک په ناروا مړ دی
موضوع یوه ده هر سړی دې په ښکلا مړ دی
وایس مسج دې ټوله ورځ لکه سندره اوري
دا لیونې دې په خبرو په ریښتیا مړ دی
چې ته خفه یې او له سترګو نه دده اوښکې ځي
نو په دې پوه شه دا سړی دې په خندا مړ دی
دنیا ده هر څوک غلامي کوي د خپل طبیعت
هغه په دین مړ دی او دغه په دنیا مړ دی
ستا لیونی ریحان په تا باندې مئين ندی
ستا لیونی ریحان باور وکه په تا مړ دی