افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
بغاوت
راځئ ملګرو وكړو يو سپېڅلى بغاوت
سپېڅلى بغاوت چي وي ښاغلى بغاوت
نو څه دي كه د ټول جهان خلاف را پورته كېږم
چي ما غوندي سپېڅلي وي منلى بغاوت
زما په اصطلاح هر څه تړلي همت دي
يو څاڅكى هم كولاى سي غښتلى بغاوت
زموږ په هر كتاب كي دغه توري دي ليكلي
چي وكړئ نن په ټولو ښايسته، ښكلى بغاوت
تخمونه يې د ميني او اوبه يې دي د وصل
زموږ خو په وجدان كي دي كرلي بغاوت
زموږ دا سركښي به د سپوږمۍ غوندي وي سپينه
د ستورو په رڼا مو دى پرېولى بغاوت
۸/ ۸/ ۱۳۸۰ كندهار