افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
خبري
ازل څخه راغلي دي په سترګو كي خبري
و هر چا ته منلي دي په سترګو كي خبري
كه خوله مي راته بنده كړي لاسونه را بسته كړي
خاوند مي را كرلي دي په سترګو كي خبري
صفا، صفا ښكاريږي د هندارو غوندي سپيني
په اوښكو مي پرېولي دي په سترګو كي خبري
د ميني شيش محل كي د خبرو ژبي دوې دي
اغلي او ښاغلي دي په سترګو كي خبري
۹/ ۴/ ۱۳۸۰ كندهار