افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل: لكه يو څاڅكى
لكه يو څاڅكى چي د اوښكو پر باڼه دى ولاړ
داسي مي يار د زړه جومات كي پر لمانځه دى ولاړ
اوس د بېلتون د (سره) لښكرو څخه هيڅ نه بېريږي
د ښكلا ياد يې نن په څېر د پښتانه دى ولاړ
زما د زړه په كور كي اوسي مينه ډېره وخته!
د كينې كلى بل ځاى ګوره دلته نه دى ولاړ
د وخت اغيار غواړي همدا سنګر مي ونسي ژر
مګر د ميني مي بيرغ د زړه پر غره دى ولاړ
دغه جرس به وروڼو څنګه خوشالي نه كوي
چي يې يار مخ ته پر ټټر د بېلتانه دى ولاړ
۱۰/زمرى/۱۳۸۰ كندهار
هرات دروازه