افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
خدایه بنده که په ښکلا ليکي نو څه به ليکي؟
هغه چې ستا د ذات ثنا ليکي نو څه به ليکي؟
دا بدرنګي دا د ژړا موسم که يو خوا ته کړي
فرض کړه که بيا هم څوک خندا ليکي نو څه به ليکي؟
هغه د بل څراغ خلاف حرف اخېر وليکه
اوس که څوک حق کې د رڼا ليکي نو څه به ليکي؟
دا بې چاره پرېږده چې شونډې او زلفان يادوي
دا که غزل په ارتقا ليکي نو څه به ليکي؟
زه چې د وخت د نقادانو په حصار کې ېمه
دوي چې په فن باندې زما ليکي نو څه به ليکي؟
دا سړى ګرم نه دى چې تل بې وفايي يادوي
دا که سندرې د وفا ليکي نو څه به ليکي؟