افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
نه ما درکړې نه تا راته راکولې ائينې
مونږ څه وکړل خو ماتې مو کړې ټولې ائينې
د هيچا زړه اوس نه غواړې چې تانه شي بهر
په داسې غم دې واړولو شولې ائینې
زما لفظونه خپله کړي زما ترجماني
زه غلى يم خو شولې غزل بولې ائینې
د جنګ په نغارو کې دې اوس خلک یادوي
د امن په سندرو کې سنبولې ائنې
زره زره وجود به پکې بیا هم ښکارېدو
که هر څو مې یو ځای ته کړې راټولې ائینې
اتله! خدایزده دا خلک په سترګو شول ړانده
که ورکې مو وطن کې شوې د سولې ائینې