افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
په رڼا ورځ په هر ساعت راسره مله وي سیوري
خو چې تیاره شي خدای منې راسره نه وي سیوري
سپینې خولې په سپین رخسار یې هو بهو داسې وې
لکه د واورو چې په واورو را پراته وي سیوري
په تش لباس د ژبه ورو خلکو مه غولیږه
د مازیګر د وخت عبث هسې اوږده وي سیوري
زما د ښې ورځې یاران به له ما خود بیلیدل
ته خبر نه یې چې د لمر تر پریواته وي سیوري
لکه چینار لاندې چینه عمردراز مروته
داسې په سترګو د بڼو یې راخواره وي سیوري