افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
صرف په یو تشې خندا مې زړهً ورکړی دی
چاچې راخندلي دي ریښتیا مې زړهً ورکړی دی
بېرته مې د زړهً په پریشاني باندې ژړلي دي
چاته چې په کوم یوې سودا مې زړهً ورکړی دی
داسې خپل اعتبار راسره څو، څو ځله کړي دي
نن یې دوکه کړی یم سبا مې زړهً ورکړی دی
دغه لېونتوب رانه بار بار مینې کښې شوی دي
ښکلیو ته په هرې یوې ادا مې زړهً ورکړی دی
دې باوجود بیا عمر دراز مروت تېروتی یم
چاته چې د شپې، نه په رڼا مې زړهً ورکړی دی
۲۰۱۶ / ۷ / ۱