افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ټکور د زړه خانه خراب خو راوړه
تودې تودې شونډې ګلاب خو راوړه
نصيبه دې جولۍ ته وګوره لږ
چرته د يار د مخ کتاب خو راوړه
زما پيکه پيکه عذاب ژوندونه
يو ځل د تود سپرلي ثواب خو راوړه
وخت د ګلونو نه جامې اوويستې
که نور څه نه وي يو نقاب خو راوړه
دا ځل د کلی نه چې ښار ته راځې
ماله منګے ماله رباب خو راوړه
زه پرې د خپل جانان تصوير جوړوم
چرته قلم چرته کتاب خو راوړه
دا سمندر به درته ګډ راګډ کړم
سياله تکړه شه لګ شراب خو راوړه