افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
مينې ته دې مينه پاروله تلې
پرخه په لمبو دې وروله تلې
چا نه دې واپس غوښتو.ورکړې زړه
بيا دې چا ته ګوته څنډوله تلې
چا درله د زړه غمی مات کړې و
اوښکه دې په ګوته ګډوله تلې
چا ته دې خېرې او که منت کوو
پورته دې جولۍ جولۍ کوله تلې
څه دې وو په زړه کې چې خوب نه درتلو
مړه ډيوه دې بېرته بلووله تلې
نه ورځ د اختر وه.نه جرګه نه جنج
سياله چې شمله دې جوړوله تلې