افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
زمونږ وطن د جنګ بټۍ خو نه ده ؟
هر يرغلګر ځان له راښکي کرښه
زمونږ د مينې د تاريخ په تندي
هر يو غاصب د بم چاودنې کړي
زمونږ د غرونو په ګل ګل سينه کې
هر هلاکو،چنګېز ،مغل د تاريخ
زمونږ سرونه په نېزو پيرلي
هر پيرنګي هر يو تور مخي دښمن
زمونږ په سترګو کې ازغي ټومبلي
زما د غرونو د دشتونو ښکلو
راځئ راپاسئ يو تپوس چې وکړو
د تهذيبونو د جمهور له دنيا
دا زمونږ سيمه څه مورچه خو نه ده؟
د اور بټۍ د جنګ اډه خو نه ده؟
مونږ انسانان يُو مونږ هم امن غواړو
د يرغلګرو د يرغل نه امن
زمونږ وطن څه لېبارټري خو نه ده