افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
نه ته درد يې نه دوا د زړه ارمانه
تا به نه کړم مسيحا د زړه ارمانه
د يو څاڅکي په رڼا پسسې دې ړوند کړم
د تور تم تورې بلا د زړه ارمانه
ستا له ششته مې زړه سم پولۍ پولۍ دی
زړه دې اوچوه ای زما د زړه ارمانه
د مستۍ يوه خندا مې هم ونکړه
بس ژړا ژړا ژړا د زړه ارمانه
د خپل سيال نه دې ژوند اوتروړو بدبخته
که يې خوب و که خندا د زړه ارمانه