افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
ترانه..د منظور پشتون غږ
زړه دې کلک د کاڼي که
او مټې دې فولاد که
دا د پلار نيکه وطن
ښکلى که اباد که
رنګ يې که رڼا يې که
سم ښکلا ښکلا يې که
ګل کره سپرلي کره
ټول ازغي برباد که
فکر د ملت کوه
ننګ کوه همت کوه
دا غرونه سمونه ټول
د ژوند په نارو ښاد که
اور دى غرغرې وطن
ګل او ګل درې وطن
ژوند د جنګ پرستو
د لېوانو نه ازاد که
مينه او سکون خوبان
هر کور د جنت په شان
سياله نور څه نه غواړم
پوره مې دا مراد که