افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
باد سيلۍ طوفان دى مړه چرته ځې
شړکنده باران دى مړه چرته ځې
پاتې شه شپه وکړه ستا په ګټه ده
تلو کې دې تاوان دى مړه چرته ځې
ښه به ددې زړنو بړاس او باسو
نن يې سم امکان دى مړه چرته خې
کيښنه چې له ژونده سره خوند واخلو
چرت دې ولې وران دى مړه چرته ځې
دا د ژمي يخ او تنهايي ګوره
سخت زما ګوزران دى مړه چرته ځې
مه درومه صميم درنه کپ نه کوي
نه دې خوري انسان دى مړه چرته ځې