افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
چې ځمکه پاکه له انسانه شي نو ښه به نه وي
که دا دنيا نوره را ورانه شي نو ښه به نه وي
تجاره ډيره ناجايزه ده وړيا يې پلورې
وينه زمونږ که لږه ګرانه شي نو ښه به نه وي
نفرت بې حده ډير دى ژوند پکې مزه نه کوي
مينه که لږ زره پريمانه شي نو ښه به نه وي
سوله چې راشي وطن جوړوي اومرګونه نه وي
حداى که غيبي را مهرابانه شي نو ښه به نه وي
وړې سلګۍ مظلومې اوښکې د زغملو نه دي
سړى چې ورک له دې جهانه شي نوښه به نه وي
صميمه ګوره داجينۍ خو يې لمده خيشته کړه
چرته که پټه له بارانه شي نو ښه به نه وي