افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
وينې دي سيلاب دى سترګې پټې کړه
جنګ دى انقلاب دى سترګې پټې کړه
ګرد دى د بارودو پرې ړنده به شې
وخت ياره خراب دى سترګې پټې کړه
هله چې د ژوند کيښتۍ مو ډوبه شوه
چار چاپير درياب دى سترګې پټې کړه
حدايګو چې يې ډيرې ميندې بورې کړې
ظلم دى غذاب دى سترګې پټې کړه
خاورو کې بې قدره پورت زخمي زخمي
څه ښکلى ګلاب دى سترګې پټې کړه
اخ تنکۍ غوټۍ صميمه سوې ده
لاس کې يې کتاب دى سترګې پټې کړه