افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
سترګې لرمه، خو په سترګو کې نظر نه لرم
کلونه کېږي چې په خوا کې مې دلبر نه لرم
زړه خومې غواړي دمرغه په شان هواته لاړشم
ښه ده مرغه نه یم، الوت نه کړم، وزر نه لرم
اوس ستا تصویرسره ترنیموشپو خبرې نه کړم
اوس بیخې ښه یم اوس دمینې هیڅ اثرنه لرم
الفاظ مې کیف نه لرې ځکه غزل رنګ نه اخلې
سینه کې درد نه لرم، زړه باندې پرهر نه لرم
مور راته وایې ځوانیمرګ شې ای فطرته! ځویه
یو دې په کلي کې له نورو دې خبر نه لرم