افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
دا چې شرمیږي او حیا هم کوي
دغه جینۍ، د زړونو غلا هم کوي
څو ځله مات شو، په باور د ښکولو
زړه لیونی دی، غلطي بیا هم کوي
څراغ ته ګوره، او وفا ترې زده کړه
په اور سوزیږي، او رڼا هم کوي
لکه دا ستا به مې په لار کې پریږدي
یو ورځ به چل، راسره ساه هم کوي
زه د خپل مور مینه په څه وتلم؟
زه یې زړه مات کړم او دعا هم کوي
څه تا زلفان دي، خوارۀ کړي په مخ
څه نا څه ظلم، دا هوا هم کوي
منم چې ته هم ښه شعرونه لیکې
خو هسې حد ګوره تنها هم کوي