افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
هغه وختونه چې غمونه د روزګار کم وو
دا غمازان او رقیبان به هم په لار کم وو
هغه چې مونږ په واړه عمر مینه هم وکړه
هغه چې مونږ سره لفظونه د اظهار کم وو
امن به څه رنګه راتلو په مسلمان ښار کې
چې هم د کفر سخت کمی و هم کفار کم وو
یه سبا رنګه ! ستا په شان زمونږ په ژوند کې هم
خوشحالي نه وه، خواهشونه هم په شمار کم وو
صابره ټوله ورځ به تیره هدیره کې شوه
او نور ثواب، نور فرصتونه د بل کار کم وو