افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
کتابي صورت زما چې پرې عیان شو
سبا رنګ لالی په ځان پورې حیران شو
ته زما د شاعرۍ کمال ته ګوره
د قاري په ځای سامع شعله بیان شو
یو سړي د خاموشۍ ژبه پیدا کړه
یو سړی د ذات دننه بیابان شو
ته چې نه وې تنهائي وه او تیاره وه
ته چې راغلې هر طرف ته څراغان شو
ستا صابر د یاد کړکۍ کې تا ته ګوري
ستا صابر د ځان پخپله روشندان شو