افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ستا خبرې مې زړګي کې تاو راتاو شي
لکه شعر مې شاعري کې تاو راتاو شي
ستا یادونه مې تل یو خوا بل خوا بیایې
ستا یادونه خاموشي کې تاو راتاو شي
یاره راشه چې ژوندون زما رڼا شي
چې رڼا مې زنده ګي کې تاو راتاو شي
داسې زه یمه د غم ښار کې ګیر شوی
لکه ګل چې په اغزي کې تاو راتاو شي
ته چې زلفې ښوروې رڼا رڼا کړې
د لمر وړانګې دې پيکي کې تاو راتاو شي
زه ناصر چې هر وخت وکړمه خبرې
دیار نوم خو بیا حتمي کې تاو راتاو شي