افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
چې ما نه روانیږې او په شا راپسې ګورې
زړګې مې هواشي چې بیابیا راپسې ګورې
ستا تورو تورو سترګو کې دمینې جهان ګورم
په تورو تورو سترګو چې اشنا راپسې ګورې
په زړه کې دې اوسیږمه په زړه کې مې اوسیږې
کوڅه کې چې تیریږم خامخا راپسې ګورې
ای مه خانده خندا دې په میلونو روپو ارزي
ای جیب زما خالي او په خندا راپسې ګورې
د کلي ماشومان کله چې ما ولي په کاڼو
پټ پټ له دروازې نه په ژړا راپسې ګورې
د کلي کوره ځمه ای ناصره مجبوري ده
چې زه هم درته ګورم په دعا راپسې ګورې