افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
مغرورې کبرجنې چې په خلا دې کړم که پرېږدم؟
زما د بربادۍ وجې رسوا دې کړم که پرېږدم؟
لږ زور به په زخمي نازکو شونډو باندې وکړم
پرکېفه مسته درده په ژړا دې کړم که پرېږدم؟
د زړه پرهر ګلاب خلکو ته و ښاېم که نه او؟
ځلانده سپينه پرخه د سبا دې کړم که پرېږدم؟
زما د ژوند کتاب له پاڼو ووتلې لاړې
لېمو نه لکه اوښکه راخطا دې کړم که پرېږدم؟
زه بيا د لېونتوب په پولو واوښتم لاليه
زما لاليه ووايه زما دې کړم که پرېږدم؟
په هغه ناممکن څنګل به بيا يو ځل ويده شې
نصيبه ستا څه فکر دى باچا دې کړم که پرېږدم؟