افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
تورې شپې دي ما سهار ليدلی نه دی
خزان راغی ما بهار ليدلی نه دی
پيمانې راکړه ساقي چې پرې نشه شم
مودې کېږي ما خمار ليدلی نه دی
شمعې بلې کړﺉ تيارې راته رڼا کړﺉ
ما په غټو سترګو يار ليدلی نه دی
ديد نونه به مو کله سره کېږي
ګرانې ما خو ستا ريبار ليدلی نه دی
صداقته بيا دچانه تپوس وکړم
ما په سترګو الينګار ليدلی نه دی