افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
خوا کې چې غلی مې صنم تېریږي
زما په زړه به څومره غم تېریږي
کړې وعده به بیا پوره کړي کله
ښه نه ده دا چې له قسم تېریږي
ښکاري چې یار مې هم پدې راضي وي
چې مې رقیب په کلي چم تېریږي
پل صراط کې به ودریږم ورته
په دغه لار به ټول عالم تېریږي
دد نیا ژوند به وي همدا سې کنه
لکه چې عمر په شبنم تېریږي
دزړه له کومي یې لیکمه درته
چې مې غزلې له قلم تېریږي
لږ یې دحال پوښتنه وکړه يوځل
په صداقت څومره ستم تېریږي